Хөх баригчид хөхөө бариулахаар дараалал их байна

Хүн гэдэг бусад амьтдаас оюун ухаантай гэдгээрээ ялгардаг. Гэвч зарим тохиолдолд амьтдаас ч доор ухаангүй үйлдэл гаргах нь бий. Түүний нэг жишээ бол саяхан Хятадад шуугиан тарьсан нэгэн эрийн бодьт түүх юм. Суга таягтай хижээл насны эр бөглүү тосгонд амьдардаг бөгөөд саяхнаас эмэгтэйчүүд алс холоос түүнийг зорин ирж, түүнд хөхөө бариулах болжээ. Шалтгаан нь юу байсан гээч?

Хүн бүр л өөрийнхөө ирээдүйг мэдэхийг хүсдэг. Харин мань эр эмэгтэйчүүдийн хөхийг бариснаар ирээдүйг нь хэлж өгч чадна гэж амлажээ. Инээдтэй сонсогдож байгаа ч Хятад эмэгтэйчүүд үүнд нь үнэмшиж, түүнд хөхөө бариулахаар дугаарлан зогсох болсон байна.