Колумбад хөрсний нуралт болж, 234 хүн амиа алджээ

Колумбын баруун өмнөд нутагт өнгөрсөн баасан гарагийн орой их хэмжээний бороо орсны улмаас хөрсний нуралт үүсч 234 хүн амиа алдаж, 220 хүн сураггүй алга болсон талаар “CNN” агентлаг мэдээллээ

Байгалийн гамшгийн уршгаар 202 хүн бэртэж гэмтэн, 300 гайл орон гэргүй болсон талаар тус улсын Гамшгаас хамгаалах төвөөс мэдээлсэн байна.

Гамшгийн үеэр Путумайо муж хамгийн их хохирол амсчээ. Тус мужид тасралтгүй 40 цаг бороо орж, олон мянган иргэн орон гэрээ орхиход хүрсэн байна.

Аврагчид тус мужийн 1000 иргэнийг яаралтай нүүлгэн шилжүүлсэн аж.