Долоо хоногийн сүүлийн өдөр сошл орчин тэр чигтээ жүжигчин Т.Бархүүгээр амьсгалдаг гэхэд хилсдэхгүй л болов уу. “Яг түүн шиг” шоу эхэлсэн цагаас Т.Бархүүг барах оролцогч алга, энэ шоуны ялагч нь тодорхой гэх мэт шуум олон нийтийн дунд дэгдээд байгаа билээ. Тэгвэл өнөөдөр тэрбээр Никитон хамтлагийн дуучин Батчулууныг “Яг түүн шиг” дуурайж дахин үзэгчид, шүүгчдийг алмайруулав.
Ямар сайндаа шүүгч Б.Наранзун “Одоо болно оо Бархүү, чи энэ шоунаас явчих аа” хэмээн хошигноод авав. Магадгүй үнэхээр энэ шоуны ялагч аль хэдийн тодорчихсон ч байж мэднэ. Харин та юу гэж бодож байна?
Б.Энх-Уянга
