Өнгөрсөн долоо хоногт хүү Лукас нь аавуудын өдөрт зориулсан өдөрлөгийн урилгыг ээждээ авчирч өгчээ. Элэг бүтэн гэр бүлүүдээс ялгаатай гэдгийг нь сануулсан ээлжит арга хэмжээнд оролцохыг хүсээгүй ч гадаа гарч эр, гэрт орж эм болдог эхийгээ заавал очихыг хүү нь хүссэн гэнэ.
Уитни Китрелл ч хүүгээ баярлуулахаар шийдэн хэлхгэр өмд, богино цамц өмсөж, саравчтай малгай духдуулан, нүүрэндээ өтгөн хөмсөг, хууз сахал зуруулан эрэгтэй хүний "төрх"-тэй болон өдөрлөгт очжээ.
Баатарлаг эхийн өвөрмөц үйлдлийг Фэйсбүүкт шагшин магтаж, нийтлэл нь 220 мянган лайк авч, 16 мянган сэтгэгдлийг цуглуулсан байна.
