-Эшли, намайг уучил. Надад маш таатай байна л даа. Гэхдээ надад болздог хүн бий.
Би үүнийг тун ч баатарлагаар хүлээж авсан юм. Нулимсаа барин байж инээмсэглээд, зүгээрээ гээд хүчээр инээхийг оролдож билээ. Бүх зүйл хэвийн гэсэн үг. Өмнө нь зогсx, нүд рүү нь харж байгаад цүнхнийхээ оосрыг мөрөндөө өвдтөл хавчиж байгаад түүнд худлаа хэлсэн. Үнэхээр тэр бүсгүй надаас илүү эрхтэй юм гэж үү?
-Үнэхээр гомдоогүй биз дээ? Би зүгээр л чиний найз хэвээр байхыг маш их хүсч байна. Чи надад таалагддаг байсаан...
Найз гэнэ үү? Тэгэлгүй дээ. Үүнийг л би мөрөөдөж ирж.
Хоёр долоо хоногийн дараа би тэднийг хамтдаа байхыг харав. Зүрх минь зовиуртай базлаж, гэвч энэ хосын сайхан зохицож байгааг магтсан найз охиндоо:
-Тийм ээ, тэд сайхан хос байна гэж хариулсансан.
Ингээд нэг жил өнгөрчээ.
Ширээн дээрээ тооныхоо машиныг мартсан тул би ангид оров. Сургуулийн бүх цонх нээлттэй байсан тул бүлээхэн салхи ногоон өнгийн нимгэн хөшгийг зөөлөн намилзуулна. Тайлер яг цонхны дэргэд ширээн дээр суугаад юм бодож байгаа бололтой. Үүдэн дээр ирээд би зогтусав. /Dи бүтэн жилийн турш түүний сайн найз, бас ангийн охины дүр эсгэж явсан шүү дээ/ дараа нь юу ч болоогүй юм шиг хөгжилтэй царай гаргав.
-Өө, чи энд байсаар л байгаа юм уу?
Тайлер над руу эргээд мөн л юу ч болоогүй юм шиг царай гаргав.
-Тийм ээ, яг явах гэж байлаа гээд тэр инээмсэглэв.
Би ширээн доороос тооныхоо машиныг гаргаж ирэн унтраагаад цүнхэндээ далд хийв. Ингэхдээ би нүднийхээ булангаар үл биелэгдэх мөрөөдлийнхөө эзнийг нууцхан ажиглаж байв. Хайш яйш самнасан үс, залуухан гоолиг хархүүгийн бие галбирыг тодотгосон бага зэрэг үрчийсэн ягаан цамц... сургуулийн дүрэмт хувцас зохидог цорын ганц хүн бол тэр гэлтэй. Манай сургууулийн охид усан цэргийнх шиг шоотой улаан банзал, бас богино ханцуйтай цамц өмсдөг, хөвгүүд мөн л ийм цамц, гэхдээ хар өмдтэй хослуулдаг байлаа. Уйдаж үхэм энэ хувцсанд жаахан ч гэсэн хэв маяг оруулахын тулд бид янз бүрийн зүүлт, үсний боолтоор чимнэ. Өнөөдөр би үсэндээ хоёр сарнай цэцэг бүхий боолт чихнийхээ дээрээс унжуулан зүүсэн байлаа. Ээж минь надад тун сайхан харагдаж байна гэсэн юм.
Харин түүний нүдэнд би үргэлж сайхан харагдахыг хүсдэг байлаа. Тайлер мэдээж үсэндээ юу ч зүүдэггүй ч хулигаан байдал гаргаж дандаа цамцаа өмднийхөө гадуур тавьдаг байлаа. Тэрбээр хуруугаараа ширээ тогшин намайг анзаараагүй дүр эсгэнэ. Би түүний сууж буй эгнээний ширээн дээр очиж, нэг хөлөөрөө сандал өвдөглөөд, ширээн дээр гараараа тохойлдож байгаад:
-Ямар нэг юм болоо юу? хэмээн асуув.
-Үгүй ээ, зүгээр гээд тэр мөрөө хавчив.
-Аан, чи Роксанаг хүлээж байгаа юм уу? Би садаа болоод байна уу даа гээд тэнэг юм шиг царай гаргалаа.
-Үгүй дээ гээд тэр санаа алдаад нэг гараараа үсээ илээд,
-Бид болихоор шийдсэн гэв.
Би биеэ хураав.
-Гэхдээ түр хугацаагаар. Сүүлийн үед өчүүхэн төдий зүйлээс ч хамаагүй муудалцдаг болсон. Ингээд бие биенээсээ ядаж нэг сарын хугацаагаар холдож амрахаар шийдсэн. Ямар байдгийг мэднэ ш дээ гээд тэр зовсон байдалтай инээмсэглэв.
Түүнийг ярьж дуусаагүй байхад би түүний гараас бариад урагш ухасхийж уруул дээр нь уруулаа нааж орхив. Ямар өргөс намайг хатгасныг бүү мэд. Тэр цочиж, хэдэн хором саатлын байдалд орсноо дараа нь намайг түлхэв.
-Эшли, чи яаж байна аа? гээд тэр өндийгөөд цонх руу ухрав.
Яагаад ч юм энэ намайг сэтгэлээр унагасангүй. Тэр байтугай би шалан дээр буугаад түүнээс хоёрхон алхмын зайд зогслоо. Тайлер аймхай хулчгар биш ч түүний энэ удаан надаас эмээж байгаа нь харин ч дур сэрлийг минь өдөөх шиг.
-Би сексийн хамтрагч хайж байгаа гэж би гэмгүй царайлан нүдээ цавчлаад хумсаараа ширээ тогшив.
Түүний нүд орой дээрээ гарах шахав:
-Юу? Чи яагаад байна аа, Эшли?
-Энд ичээд байх зүйл ер байхгүй биз дээ? Секс бол хэвийн зүйл. Надад одоогоор хэн ч байхгүй байгаа. Чамд ч гэсэн... одоогоор. Хоёулаа найзууд биз дээ? Бас сексийн найзууд ч байж болох л юм.
Тэр хариу хэлсэнгүй. Хариу хэлж амжаагүй гэхэд болно. Хаалга чихран дуугарахад Тайлер намайг угзарч, хормын төдийд хөшигний цаагуур нуув. Манай сургуульд хичээлийн дараа хоосон ангид эрэгтэй, эмэгтэй сурагч хоёулханаа үлдэхийг ихэд сэжигтэй явдал гэж үздэг.
Цэвэрлэгч байлаа. Төмөр хувингийн чихарсан дууг би Тайлерийн ухаан балартуулам үнэрний цаанаас олж сонслоо. Би түүний хүзүүнд нүүрээ нааж, энэхүү үнэрээр амьсгалж байлаа. Толгой минь эргэв. Цэвэрлэгч хаалга хааж амжаагүй байхад би түүн рүү ухасхийн дайрав. Тайлер эсэргүүцэхийг оролдсон ч түүний хүчин чармайлт төдийлөн шийдэмгий бус байсан тул намайг зогсоох гэхээсээ харин ч өдөөн хатгаж байв. Бид хөшигний цаагуур шалан дээр мөлхөв. Би өөрийгөө зогсоох тэнхэлгүй байлаа. Тайлер намайг учиргүй түлхэж холдуулаагүй ч надад түүний айдас мэдрэгдэж байв.
-Би үүнийг хиймээр байна. Харин чи? гэж би шивнэв.
-Эшли...
Тэр миний нэрийг маш их айдастай дуудав. Гэнэт тархинд нэг юм гялсхийх шиг болов. Нээрээ би хэрээс хэтэрч байна уу? Би бүрэн ялагдалд орж, биеэ татаж авахад бэлэн болсон тэр мөчид тэр намайг шалан дээр хэвтүүлж өөрөө дээр минь гарсан байв. Инээдтэй юм. Уг нь би л түүнийг хүчирхийлж байсан, гэтэл эсрэгээрээ эргэчихдэг. Тэр цамцны минь товчийг тайлах гэж бараг л урчихсангүй, харин дотуур хувцсыг минь бараг тас татаад хаяв. Хожмоо би түүнийг яагаад ингэсэн юм бол гэж өөрөөсөө олонтаа асуусан ч хариулж чадаагүй билээ. Хэрэв би хэн ч унаж тусмаар ер бусын үзэсгэлэнтэй охин байсан бол гайхахгүй байсан. Намайг энхрий гэдэг, энэ нь хамгийн өндөр магтаал. Магадгүй бид хоёул солиорчихсон юм болов уу?
Тэнд, ширээнүүдийн хооронд шалан дээр болсон зүйл үнэхээр галзуу солиотой явдал, юун романтик. Хэдийгээр би өөрийгөө эдлүүлэхэд бэлэн байсан ч намайг жинхэнэ хүчирхийлсэн гэхэд болно. Ямар ч үнсэлт, энхрийлэл байгаагүй, зөвхөн чармай нүцгэн зэрлэг араатных шиг тачаалд бид хоёул толгойгоороо шунган ороод тун ч эрчимтэй живсэн. Үсний хавчаар тайларч ширээн доогуур унав. Бид яг л бөөрөнхийлсөн утас шиг овооролдон, зөвхөн шөнө дунд хийх ёстой ичгэвтэр үйлдлийг гэгээн цагаан өдөр үйлдэж байлаа. Тайлер гарыг минь шалан дээр дарж бариад хүзүүг минь хазав. Дараа нь маш хүчтэй түлхэлт мэдрэгдэхэд би өөрийн эрхгүй хашгирсан боловч тэр алгаараа амыг минь дарлаа.
Үрчийж хорчийсон цамцаараа ангийн ханыг налан сууугаа түүнийг би ангид ганцааранг нь орхилоо. Тэр намайг үс зүсээ янзлаад, цүнхээ мөрлөхийг үг дуугүй ажиглаж сууна. Би түүн рүү харж инээмсэглээд хаалга руу дөхөж очин эргэж хараад:
-Баяртай, маргааш уулзая гэв.
Би яг л сүүлт од шиг шатаар нисч байв. Зүрх амаар гарчих шахам цохилж, би өөрийгөө зогсоох гэхдээ сүүлийн шатан дээр бүдрээд уначихав. Цүнхээ цээжиндээ байдгаар нь атгаад, амьсгаагаа дарах гэж оролдов. Би хүссэн зүйлээ авчихлаа. Маргааш тэр надтай ярих болов уу?
* * *
-Ахиад л шалгалтандаа уначихаа юу?
Тайлер миний дэргэд навсхийн суугаад нил улаан эрээн болсон хяналтын ажлыг минь харав.
-Энийг одоо яанаа гээд би толгойгоо гараараа бариад үсэндээ хуруугаа шигтгэв.
-Хичээлээ давтах хэрэгтэй шүү дээ, Эшли гээд миний хуудсыг шүүрч аваад миний ширээний өмнө зогсов.
Энэ үед яг л цахилгаан гүйдэлд цохиулсан юм шиг болов. Тэр миний ажлыг судалж байх хооронд би түүний хөмсгий, царайг нь харж байлаа. Тэр их л найрсаг, урьдынх шигээ намайг үгээр идэх нь өчигдрийн явдлаас юу ч ул мөр үлдээгүй мэт. Аан, хүзүүнийх нь тэнд шимсэний улаан мөр үлдэж. Би чинь зүүдлээд байгаа юм биш байгаа?
-Эшли минь дээ, чи энд юу биччихсэн юм бэ? гээд тэр өмнө цаасыг минь тавиад тонгойж надад логарифмын үндсэн зарчмыг эхнээс нь ярьж эхлэв. Бид үсээрээ бие биедээ шүргэлцэж, харц тулгарч, намайг буруу хариулт өгөх бүрийд Тайлер хамар дээр минь зөөлхөн няслана.Би түүний мөрийг түлхэж, албаар уруулаа унжуулна. Үнэндээ бүх зүйл яг л урьдынхаараа.
Төдөлгүй хонх дуугарч, би ч хяналтын ажлаа цүнхэндээ хийгээд:
-Энд хичээлийн дараа чамайг хүлээ байя гэлээ.
-Хүүе, Эш...
Би түүн рүү эргэж харлаа. Тайлер над руу дөхөж ирээд халааснаасаа ямар нэгэн зүйл гаргав:
-Энэ гээд миний үсний хавчаарыг сарвайж байна. –Ийм зүйлээ хамаагүй хаяж болохгүй гээд тэр өөрөө үсэнд минь зүүж өгөөд, -Чамд маш их зохидог шүү дээ гэлээ.
Би хавчаарандаа хуруугаараа хүрээд:
-Баярлалаа, харин чи хоцров оо гэв.
-Эш, хүлээж бай гээд Тайлер үсээ илээд, эрхий хуруугаа өмднийхөө халаасанд хийж, би үүнийг ахиад давтах болж байна уу?
-Яагаад үгүй гэж гээд би шийдэмгий хэлэв.
Тэр харцаа доошлуулаад юм хэлсэнгүй. Түүнийг зовоохгүйн тулд би ангиас гарлаа.
* * *
Намрын халуун нар шарна. Дөрвөн давхраас өтгөн ургасан моддын навчис дундаас газар огтхон ч харагдахгүй байв. Ногооноороо байгаа навчис ёроолгүй далай шиг нарны цацрагийг өөр дээрээ ойлгон намилзана. Нээлттэй байгаа цонхоор салхи хангалттай сэвэлзэн үлээх авч огтхон ч хүйтэн биш байх аж.
Би цонхны дэргэдэх ширээн дээр суугаад нүцгэн урт хөлөө жаахан охин шиг савчуулан цонх руу ширтэн байлаа. Сэтгэл хөдөлгөм үйл явдал одоохон болно гэхээс байж сууж ядах авч өөрийгөө тайвшруулах гэж оролдож байв. Хэрэв түүнийг би өөрийн болгохыг хүсч л байгаа бол надад сэтгэлээ тогтвортой барих хэрэгтэй. Миний ёс зүйгүй үйлдэл Тайлерыг надад дурлуулна гэдэг нь инээдтэй санагдаж болох ч би өөр ямар нэг хувилбар сонголгүйгээр чухам энэ замаар замнахаар шийдэв.
Хаалга аяархан онгойгоод хаагдав. Тэр анги дундуур яваад миний эсрэг талд зогсов. Би ширээн дээр буугаад түүний духны урдуур унжих урт үсийг илэв. Тайлер над руу шийдэмгий бус харцаар харав. Би түүний хүзүүгээр тэвэрч, өлмий дээрээ зогсч байгаад уруул руу нь тэмүүлэв. Тэр харцаа хажуу тийш нь болгоод, миний гарыг хүчээр тавиулж өөрөөсөө холдууллаа.
-Хэрэггүй ээ, Эш. Уучлаарай, би чамайг үнсэж чадахгүй нь.
Зүрх рүү минь гадас шаахтай адил маш их хөндүүрлэсэн боловч тоогоогүй дүр эсгээд инээмсэглэв.
-Нээрээ тийм шүү дээ. Чиний найз бүсгүй л үнсүүлэх эрхтэй байх.
Тайлер үсээ чихнийхээ араар хийж, түүний ийн сандарч байгаа нь надад харин ч зугаатай байв.
-Гэхдээ чи их л хуучинсаг үзэлтэй юм аа. Гэхдээ энэ чинь надад таалагдаж байна гээд л би царай руу нь харан хэлэв.
-Амаа татаач гэж тэр бувтнаад дээрээс минь ноцтой харлаа.
Түүний гэнэт ийн дүрсхийсэнд би инээмсэглэж чадахаа болив. Гэнэт түүний царай зөөлөрч, тэр миний царайг нэгд нэгэнгүй ажиглалаа. Гар нь хацарт минь хүрч, улмаар доош гулсав. Тэр үснээс минь зөөлхөн татаж хойш нь гэдийлгээд нүүрээ хүзүүнд минь нааж, арьсыг нь болгоомжтой шүргэнэ. Хамаг биеэр жирсхийж, би нүдээ анин аяархан гиншлээ.
-Би чамайг өчигдөр өвтгөсөн үү, Эш?
Тэр энгэсгээр сайтар нуун далдалсан хөхийг анзаарсан бололтой. Нүдээ нээлгүйгээр би:
-Бага зэрэг гэж хариуллаа.
-Чамд тэгээд ийм залуу олон байдаг уу? гээд тэр царайгаа төв болгон духаараа харан байж асуув.
Би яаралгүйгээр цамцныхаа товчийг тайлж, мөрөөрөө тийчлэн байж цамцаа тайлав. Өчигдөр бүх зүйл санаандгүй, шуурхай хийгдсэн. Харин өнөөдөр би зориуд бэлтгэж, ямар ч дотуур хувцас өмсөөгүй билээ.
Би хойшоо болж, тохойн дээрээ хагас хэвтээ байдалтай болоод түүнийг урьсан харцаар харав. Өнөөдөр бид өчигдрийнх шиг солиорлыг биш харин илүү тайван байдлаар хийх байх гэж надад санагдаж байлаа. Гэтэл эндүүрчээ. Бид ширээг цонхонд нэг метр орчим ойртуулан тавиад би илүү чанга хашгирсан, харин Тайлер миний амыг дараагүй билээ. Тэр үүнийг сонсохыг хүссэн байх л даа. Тэр намайг хайрлаж байхад би огт өөр юмны талаар бодож байлаа. Тэр буруугаа хүлээж байгаа болов уу? Над руу орж байхдаа Роксанагийн тухай бодож байгаа юу? Тэр түүнтэй яаж секс хийдэг байсан бол гэх мэтээр. Би хардалт, бас дур тачаалаасаа болж багтарч үхэх шахаж байсан учир биеэ барьж чадалгүй хашгирч байлаа.
* * *
Өчигдрийнх шигээ сургуулиас түрүүлээд гарлаа. Биднийг хэн нэг нь хамт байгааг хараасай гэж хүсээгүй юм. Хормын дотор тэнгэр бүрхэж, тэнгэр дуугаран бороо хувингаар цутгаж байгаа юм шиг хүчтэй орж эхэллээ. Амандаа хараал хэлэн толгой дээрээ цүнхээ бариад би гэрийн зүг шалбааг туулан гүйж явлаа. Гутал минь шалба нороод байтал дэргэд минь гэнэт машин зогсов. Хаалга онгойж:
-Хурдан суугаарай гэх нь Тайлерын хоолой байлаа.
-Би ойрхон амьдардаг шүү дээ.
-Тэгээд юу гэж? Хурдан суугаач ээ.
Ингээд би машинд суухад өдөржин наранд шарагдсан дулаахан орчин угтав.
-Машиныг чинь норгох нь дээ гээд би инээмсэглэхдээ даарснаасаа болоод бас чичирч байлаа.
Хоёр хормын дараа тэр гэрийн минь хажууд зогслоо. Би шалба норсон байсан учир ахиад л хүйтэн бороонд гарахыг хүсэхгүй байлаа. Тайлер нэг хэсэг хугацаанд над руу харав.
-Өө, ирчихсэн үү? Маш их баярлалаа.
Тайлер урагш тонгойж миний үсний хавчаарыг ус нь дуслах үснээс минь болгоомжтой аваад алчуур гарган арчиж эхлэв.
-Даарч байна уу?
-Тийм ээ гээд би инээмсэглээд доошоо харав. Надад бүү найдвар төрүүл л дээ.
Тэр над руу цээжээ түрж, уруулаараа чихний омгийг үмхэн аваад миний сууж байгаа сандлын хөшүүргийг татаж хойш нь хэвтүүлэв. Тэр огт яаралгүйгээр миний товчнудыг ээлжлэн тайлсаар байв. Би маш их даарсан байсан тул түүний уруул гал шиг халуун санагдав.
-Тай...
-Чи хүсэхгүй байгаа юм уу?
-Хүсч байна.
* * *
Би шөнийн гэрлээ асааж, хөнжил дээгүүрээ гараа гаргаад цасан цагаан таазыг ширтэж хэвтэв. Хэрэв миний дотоод сэтгэл ийм цагаан байсан бол одоо аль хэдийнэ толбо үүссэн байх ёстой. Цагаан дээр хар толбо. Бид юу болоод байна аа? Хичээл хийдэг ангид секс хийж, дэргэдүүр өнгөрөх ямар ч хөрш биднийг анзаарч болохоор байхад төрсөн гэрийнхээ яг дэргэд машин дотор хурьцал үйлдэж байдаг. Бурхан минь, би түүнд хайртай? Би түүнийг юугаар хордуулчихав аа? Өшөө жаахан удвал тэр намайг үзэн ядах байх. Түүний ч зөв. Би түүгээр тоглож байна шүү дээ. Би аз жаргалыг хоёр долоо хоног л мэдэрнэ. Дараа нь бидэнтэй юу тохиолдох вэ? Тэр Роксанагийн нүд рүү яаж харах бол?
Миний хувьд энэ бол ... ердөө л секс. Хэсэг хугацааны дараа тэр намайг эмэгтэй хүн шиг харж, хайрлаж дурлах ч юм бил үү гэж би найдахдаа л үүнийг хийсэн. Манай хотод бүсгүй хүн болгон өөрийгөө ийм амархан эрэгтэй хүнд тавиад өгчихгүй л дээ. Энэ бол ёс жудаггүй хэрэг. Тэр намайг ингэнэ гэж санаагүй. Жирийн даруухан, дуугай охин мэргэжлийн биеэ үнэлэгч шиг аашилна гэж яаж бодох вэ дээ. Би өөрөө ч чадна гэж бодоогүй. Гэтэл чадахаар барахгүй тэр надад ханаж цадахгүй байлаа.
Би орноосоо босч ханын шүүгээнд дөхөж очоод дотуур хувцастай шургуулгыг онгойлгож, түүнд зориулж маргааш юу өмсөх вэ гэж бодов.
* * *
-Чи хоцорчихлоо.
Тайлер том цонхны хөшгийг хоёр тийш нь нээгээд эргэж харан над руу инээмсэглэв. Шөнөжингөө элдвийг хийсвэрлэсэн элдэв бодлоосоо болж сэхээ орж амжаагүй би анги руу шийдэмгий бус байдалтай орлоо. Бидний дүр эсрэгээрээ солигдсон гэлтэй.
-Чи яачихаа вэ? Наашаа хүрээд ир.
Би дуулгавартай нь аргагүй очив. Тайлер намайг өөр рүүгээ татаад, ташаагаар минь болгоомжтой тэврэв.
-Би урьд нь энэ цонхоор бараг хардаггүй байжээ. Гоё харагдаж байгаа биз гээд тэр санаа алдав.
Үгүй ер. Тэр надад ингэж ярьж байх гэж. Би энэ үзэсгэлэнт байдлыг бүтэн жил харж, Тайг мөрөөдөн удтал бодол болон суусан. Тэгэхээр надад навч, мөчир, тэр байтугай салхи нь хүртэл танил, ойр дотно санагдаж байв.
-Энд зогсоод л чамайг хүлээгээд, чиний тухай бодож байлаа.
Тайлер над руу эргэн харав. Би түүний гайхсан харцыг ширтэн зогслоо.
-Хүүе, Эш. Чиний нүд цэнхэр юм байна шүү дээ.
-Тийм.
-Чи үсээ будсан уу?
-Юу гээд байгаа юм?
-Үгүй, зүгээр. Чиний үс хар мөртлөө нүд нь цэнхэр байдаг. Би урьд нь огт анзаардаггүй байж.
-Чи ер нь... чи над руу ер нь хардаг юм уу? Сургуульдаа нэг хөлгүй ирлээ гэхэд анзаарах уу? гэж их л хоржоонтой асуув.
Би түүнээс холдон ойрын нэгэн ширээн дээр цааш харан суув.
-Чи таягаараа намайг цохих юм бол анзаарах л байсан байх. За за, чиний юу хэлэх гээд байгааг ойлголоо. Тохойн дээр чинь юун сорви байна аа?
-Аан, биеийн тамирын хичээл дээр уначихсан юм аа, зургаадугаар ангид.
-Өвдсөн үү?
-Аймаар. Зөндөө цус гарсан. Шалан дээр зулгарчихсан юм. Багш маань бараг гучин минут намайг тайвшруулах гэж оролдсон.
-Чамайг уйлж чаддаг гэж ер бодсонгүй шүү.
-Бодоогүй гэнэ ээ? Ер нь чи юм бодож чаддаг юм уу?
-Намайг яаж байгаа нь энэ вэ? Чи миний тухай бүгдийг мэддэг юм уу даа?
Би санаа алдаад, эрүүгээ гараараа тулав.
-Чи бол хар нүдтэй. Үсээ будаж байгаагүй. Гуравдугаар ангидаа гараа хугалсан. Дугуйнаас унасан. Чи математикийн бүх олимпиадын аварга, чамаас дандаа жимстэй бохины үнэр ханхалдаг. Чи сандрах бүрийдээ үсээ илдэг.
-За яахав, тэгвэл чиний тухай ярья л даа.
-Чи математиктаа маш муу. Уучлаарай, би харж байгаагаа л хэлж байна. Би чиний өнгөрсөн үеийн талаар юу ч мэдэхгүй. Чи теннис маш сайн тоглодог, хүмүүстэй учраа сайн ололцдог. Чи муу дуулдаг. Леслигийн төрсөн өдөр дээр би сонссон. Гэхдээ чи энэ хорвоо дээрх хамгийн урт хөлтэй бүсгүй. Чи болжмор шиг норохоороо маш өхөөрдөм харагддаг.
Би буруу харлаа. Тэр над руу инээмсэглэн харна. Тэр надад ямар хэцүү байгааг мэдрэхгүй байна гэж үү?
-Чи энэ бүхнийг дуусгая гэж бодохгүй байна уу?
Тайлер босч үсэнд минь хүрээд гараа өгөн намайг босгоод өөр рүүгээ татав.
-Одоо миний хүсч байгаа зүйл бол чиний хувцсыг тайлах.
Тэр чихэнд минь уруулаа хүргэв.
-Тай, хүлээж бай гээд би түүнээс холдов.
Тэр намайг гайхан харав.
-Би алдаа гаргажээ. Энэ бүхэн арай л хэтэрч байна. Сексийн хамтрагч гэнэ үү? Ёстой тэнэг юм. Энэ удаан үргэлжлэх тусам чи Рокситой харьцаагаа сэргээж чадахгүй. Ингэж болохгүй. Уучлаарай.
Би цүнхээ мөрлөөд, уйлахгүйн тулд уруулаа хазаад хаалга руу явав. Тай миний тохойноос барихад би тэссэнгүй.
-Надад бүү хүр.
Тэр над руу юу болоод байгааг үл ойлгон харна. Миний нулимс урсана.
-Юу болоод байгаа юм бэ? Над руу ингэж битгий хар л даа. Би буруутай гэдгийг чи мэднэ. Чи намайг үнсэхийг ч хүсдэггүй, үзэн яддаг. Тэгээд яагаад?
Тайлер намайг өөр рүүгээ татаад, намайг үнсэхэд амьсгаа давчдав. Би хүүхэд шиг уйлж байхад тэр намайг нүүр нүдгүй үнссээр л.
-Би Роксанагаас бүүр салсан. Өчигдөр. Би түүнтэй байж чадахгүй. Түүн рүү харж байхад чи харагддаг. Чи миний хувьд хэн ч биш бол би юу гэж ингэж бодох билээ.
Би байдгаараа асгаруулж түүнийг хүзүүгээр нь тэвэрлээ. Тайлер намайг тэвэрлээ.
-Математиктаа муу ч чи надаас илүү ухаантай юм. Чи дэргэд минь байхад би өөр газраас жаргалаа хайж байсан гэдгийг чи надад ойлгуулсан. Тэр гараараа толгойг минь бариад нулимстай нүд рүү минь харж байгаад:
-Би чамд хайртай гэж хэлэв.
Би уйлах, инээх зэрэгцэн байж түүнийг үнслээ.
-Одоо үүнийгээ жинхэнэ орон дээр хийж үзэх үү гээд тэр инээмсэглэв.
Би хариуд нь инээмсэглэлээ. Би түүн рүү ингэж инээмсэглэхийг үргэлж мөрөөддөг байсан билээ...
