2006 оноос хойш тасралтгүй уран бүтээлээ туурвиж нийтийн дуунд дуртай монгол түмнийг огшоож, омогшуулж чаддаг МУСТА, дуучин Э.Төрмандах өчигдөр /2017.01.15/ “Монгол бөхийн өргөө”-нд “Нүнжигтэй Монгол” тоглолтоо хийлээ.
Түүний тоглолтод сошиал ертөнцөөр хөөрхөн "булдруу" нэрээрээ олонд танигдсан Увс аймгийн Тэс сумын долоон настай А.Өсөх-Ирээдүй хүү оролцож, дуучин Э.Төрмандахтай “Аархал” дууг хамтран дуулж ёстой л нэг үзэгч олныг баясуулж чадлаа. Түүний бяцхан биендээ баймгүй сайхан хоолойн чадал, хөдөлмөрч чанарыг нь үнэлж Тоглолтын үеэр А.Өсөх-Ирээдүй хүүг Монголын хүүхдийн ардын урлагийн төв сангаас “Авьяас” алтан медалиар шагнасан юм.
