АНУ-ын холбооны мөрдөх товчоонд орчуулагчаар ажилладаг Даниэла Грийн гэгч эмэгтэй 2014 онд Сири улсад зорчих үедээ “Исламын улс” бүлэглэлийн нөлөө бүхий гишүүн Денис Кусперттай танилцан улмаар гэрлэжээ. Тэрээр хайр дурлалдаа ид шатаж байхдаа АНУ-ын тусгай алба мөрдөж эхэлсэн талаарх мэдээллийг Денис Куспертад өгч байсан гэнэ. Гэвч гэрлэснээс хойш хэдэн сарын дараа нөхрийнх нь хандлага өөрчлөгдөж, “Исламын улс” бүлэглэлийн харгислал хэрээс хэтэрч ирсэн тус бүсгүй гаргасан алдаагаа ойлгон нутаг буцжээ.
Тэрээр нутагтаа буцаж ирээд бүх буруугаа хүлээж, эх орноосоо өршөөл хүсчээ. Тэрээр мөн экс нөхрийнхөө мөрдлөгөд туслах амлалтыг өгсөн аж. Шүүхээс түүнд хоёр жил хорих ял оноосон байна. Даниэла ялаа эдлээд 2016 оны зун суллагджээ.
Денис Кусперт нь Германы рэп дуучин бөгөөд “Исламын улс” бүлэглэлийн суртал ухуулгыг хариуцаж ажилладаг нөлөөтэй нэгэн гэнэ. Тэрээр “Исламын улс” бүлэглэлийн олон нийтэд цацсан видео роликуудад байнга тоглодог бөгөөд нэгэн роликт хүний тасдсан толгой барин бүжиглэж байсан удаатай гэнэ.
